العزيز
نصي ثلج نصي نار
بردان أصيح من الثلج
واه أصيح من النار
لا النار ذوبت لي الثلج
ولا الثلج طفا لي النار
يا لعزيز شلون أودعك وبأيدي أحجز للسفر
أضحك بوجهك كذب , وأنا قاتلني القهر
ألف طعنة أنطعن , وأنضرب مليون خنجر
وما أحس بهيج حالة , وأحترق وعودي أخضر
خلي أشبع شوف منك قبل ما تشد الرحال
أنطيني فرصة يا لعزيز , أبجي بأحضانك تعال
يا لعزيز .. لا باديك ولا باديا
يا لعزيز لا تحزن عليا
يا لعزيز أثنينا صرنا الضحية
امسح دموعك حبيبي
كافي مو دمرني دمعك
إذا هسه النار بيا شلون لو عني رحت
والله ابكي الناس كلها بصيحة وحدة لو صحت
يا لعزيز ارحم بحالي يا عمري
يا لعزيز النار تأكل بصدري
احبس دموعك حبيبي
كافي مو دمرني دمعك
كلمات: عزيز الرسام
