من طرف ابو جراح المعذب الخميس سبتمبر 18 2008, 20:01ناديت من الغرب محد سمع صوتي
لابوي لا امي لاصحبتي لاخوتي
بالغربة احس مختنك وارد ابجي واصرخ حيل
ومرات احس انتهت روحي وكرب موتي
انة وجنطتي رحلت والدمعة بعيوني
لااخو المني جزع لا اهلي ملوني
عفت الدلال ورحت للغربة نص الليل
دكيت باب الغرب والما يعرفوني
الما يعرفك ما يثمنك والما مجربك ما يأمنك
درت الشوارع مشي والحيرة بأقدامي
وضنتي بهذا المشي تتحقق احلامي
شجابني على الغرب ليش تركت بيتي
يا قيمتي عد هلي وك يا سمعتي وصيتي
انة الجنت للضهر متهني بنومي
واحتار وكت العصر شألبس من هدومي
ناديت من الغرب وذكرت حالي
شكد قيمة جانت الي وشكد جنت غالي
هناك شفت الالم والذلة والحيرة
وحسيت بيت الاهل مانرهم لغيرة
وحسيت بيت الاهل ما نرهم لغيرة
